A Ricerca | Le portail de la Recherche de l'Université de Corse

E FURMAZIONE IN ALTERNANZA

A maiò parte di e furmazione pruposte à l’IUT di Corsica ponu esse seguitate in alternanza.


Cumu si puderia definisce un cuntrattu d’amparera ?

U cuntrattu d’amparera ghjè un cuntrattu di travagliu firmatu trà una struttura prufessiunale è un impiegatu.
U so scopu hè di permette à un ghjovanu di seguità una furmazione generale, teorica è pratica, per acquistà una qualificazione prufessiunale validata da un diploma o un titulu prufessiunale.
Stu cuntrattu prupone periudi d’insignamentu generale, tennulogicu è prufessiunale, cù periudi di travagliu in impresa per a messa in usu di i sapè fà.

Ghjè un cuntrattu chì s’indirizza à i ghjovani da 16 à 25 anni.

U cuntrattu d’amparera ghjè un cuntrattu di travagliu di tippu particulare, di u quale a durata dipende di u titulu o di u diploma appruntatu. A so durata va d’1 à 3 anni, è pò si in casu mai esse adattatu in funzione di u livellu iniziale di l’impiegatu.

U tempu di travagliu di l’amparenti hè listessu à quellu di l’astri impiegati di l’impresa integrendu u tempu di presenza in centru di furmazione d’amparenti. Ùn hè micca pussibile u modu in tempu parziale.

Cumu si puderia definisce un cuntrattu di prufessiunalizazione ?

U cuntrattu di prufessiunalizazione s’indirizza à i ghjovani da 16 à 25 anni cumpiti, à i dumandatori d’impiegu di 26 anni è più, è à i benefiziarii di certe allucazione o cuntratti.

U so scopu hè di permette li d’acquistà una qualificazione prufessiunale è di favurizà a so inserzione o reinserzione prufessiunale. I benefiziarii da 16 à 25 anni cumpiti sò pagati in funzione di un percentuale di u Smic, secondu a so età è u so livellu di furmazione, l’impiegati di 26 anni è più toccanu una paga ch’ùn hè inferiore ne à u Smic ne à u 85 percentu di a remunerazione minima cunvenziunale.
Stu cuntrattu dà dirittu per a struttura prufessiunale, per certi impieghi è in certe limite, à una esunerazione di e cutizazione patrunale di securità suciale. 

http://cfa.univ-corse.fr/

Page mise à jour le 21/02/2017 par ANTEA GALLET